မောင်ပေါ်ထွန်း (၁၉၃၅)

                                                            မောင်ပေါ်ထွန်း (၁၉၃၅)

 ကိုယ်ရေးဖြစ်စဉ်

ရခိုင်ပြည်နယ်၊ ကျောက်ဖြူခရိုင်၊ မာန်အောင်မြို့နယ် ရေမျက်ဝရွာတွင် အဖ ပန်းချီ၊ပန်းပု လက်သမား ဆရာ ကြီး ဦးမောင်ပု၊ အမိ ဒေါ်အေး တို့မှ ၁၉၃၅ ခုနှစ်၊ မေလ ၁၄ ရက်နေ့တွင် မွေးဖွားသည်။ မူလတန်း ပညာကို ဇာတိရပ်ရွာ ဘုန်းတော်ကြီး ကျောင်းနှင့် အထက်တန်း ကျောင်းတို့တွင် သင်ကြားခဲ့သည်။ ၁၅ နှစ် သားတွင် ရန်ကုန်မြို့သို့ ရောက်လာခဲ့ပြီး အလွတ်ပညာကျောင်းတက်သည်။ လှကော်မာရှယ်ကောလိပ်မှ မြန်မာ လက် ရေးတို ပထမဆု ရခဲ့သည်။ ၁၉၅၅ ခုနှစ်တွင် မြန်မာနိုင်ငံ ဘာသာပြန် စာပေအသင်း (စာပေ ဗိမာန်) အဖွဲ့၌ လက်နှိပ်စက် လက်ရေးတိုစာရေးအဖြစ် စတင်အမှုထမ်းခဲ့သည်။ ၁၉၆၇-၆၈ခုနှစ်တွင် အခြေခံ ပညာအ ထက် တန်း စာမေးပွဲကို အင်္ဂလိပ် ဂုဏ်ထူးဖြင့် အောင်မြင်သည်။ သတင်းစာပညာ အတတ် သင်ကျောင်း အပတ်စဉ်(၁)တွင် ပထမဆု ရရှိသည်။ ၁၉၇၃ခုနှစ်တွင် လုပ်သားများကောလိပ်မှ ဝိဇ္ဇာ (သမိုင်းဘွဲ့) ရသည်။ ၁၉၇၈ ခုနှစ်တွင် စာပေဗိမာန် စာအုပ်အသင်း ကြီးကြပ်ရေးမှူး အဖြစ်မှ အငြိမ်းစား ယူ ခဲ့သည်။

၁၉၅၈ ခုနှစ်တွင် စာပန်းချီမဂ္ဂဇင်း၌ ခုနစ်နှစ်အရွယ် သမီးငယ် (Seven Year Old Girls) ရုရှားပုံပြင် ဘာ သာပြန်ဖြင့် စာပေလောကသို့ စတင်ဝင်ရောက်ခဲ့သည်။ မဂ္ဂဇင်း၊ ဂျာနယ်များတွင် ဘာသာပြန်ဝတ္ထု၊ ဆောင်း ပါးများ ကြိုကြား ကြိုကြား ရေးသားခဲ့သည်။ စာအုပ်လောက စာစောင်၊ ပန်မဂ္ဂဇင်း၊ ချယ်ရီမဂ္ဂဇင်း နှင့် စီးပွား ရေး မဂ္ဂဇင်း တို့တွင် အယ်ဒီတာ၊ အယ်ဒီတာချုပ်နှင့် အတိုင်ပင်ခံ အယ်ဒီတာ အဖြစ် လုပ်ကိုင် ခဲ့သည်။

စာအုပ်ဟူသည် စာအုပ်ကို မောင်ဆုရှင်နှင့် လည်းကောင်း၊ စာနယ်ဇင်း ဟူသည် စာအုပ်ကို မောင်ဆုရှင်၊ သိန်းတင် (ဟံသာဝတီ) တို့နှင့် လည်းကောင်း တွဲဖက်ရေးသား ထုတ်ဝေခဲ့သည်။

နိုင်းမြစ်ဝှမ်းမှ တော်လှန်ရေး၊ ကျွန်မချစ်တဲ့ဆူကာနို၊ ပင်တဂွန်၊ ယက်ဖ်တူရှင်ကို၊ မောင့်ဘက်တန်နှင့် အိန္ဒိယ လွတ်လပ်ရေး တိုက်ပွဲ၊ ကမ္ဘာ့ရန်၊ အကြီးအကဲ၊ ကျေရာကျေကြောင်း၊ ငွေရှာနည်း ငွေသုံးနည်း၊ စံပြအရောင်း သမား၊ ဟားဗတ်စီးပွားရေး တက္ကသိုလ်မှာ မသင်ခဲ့ရသမျှ၊ စံပြ ခေါင်းဆောင်မှု၊ ကိုယ်စွမ်းကိုယ်စဖြင့် ကြီးပွား ရေး၊ မဟာဒီလှိုင်း၊ အောက်စဖို့ တက္ကသိုလ်သုံး အင်္ဂလိပ် သဒ္ဒါကျမ်း၊ ခေတ်သစ်ရောင်းဝယ်ရေး ဗျူဟာ၊ ကန္တာ ရစမ်းရေအိုင် စသည့် ဘာသာပြန်လုံးချင်း စာအုပ်ပေါင်း ၅ဝ ခန့် ပြန်ဆို ထုတ်ဝေခဲ့ ပြီး ဖြစ်သည်။ အမည် ရင်းမှာ ဦးခင်မောင်စိုးဖြစ်သည်။ ၃၄၉၊ တောင်ဥက္ကလာပမြို့နယ်၊ (၁ဝ)ရပ်ကွက်တွင် နေထိုင်လျက် ရှိသည်။

မောင်ပေါ်ထွန်း ရေးသားပြုစုခဲ့သော စာအုပ်များ

    ကန္တာရ စမ်းရေအိုင်

    ကမ္ဘာ့ရန်

    ကိုယ်စွမ်းကိုယ်စဖြင့် ကြီးပွားရေး

    ကျားဘမ်း သူဌေးကြီး၏ စီးပွားရေး စွန့်စားခန်းများ

    ကျေရာကျေကြောင်း

    ကျွန်မချစ်တဲ့ ဆူကာနို

    ခေတ်သစ် ရောင်းဝယ်ရေးဗျူဟာ

    ငွေရှာနည်း ငွေသုံးနည်း

    စာနယ်ဇင်းဟူသည်

    စာအုပ်ဟူသည်

    စီးပွားရေး လုပ်ငန်းခေါင်းဆောင်တို့ လမ်းစဉ်

    စီးပွားရေး လုပ်ငန်းဆက်ဆံရေး ကျင့်ဝတ်များ

    စံပြ ခေါင်းဆောင်မှု

    စံပြ အရောင်းသမား

    နိုင်းမြစ်ဝှမ်းမှ တော်လှန်ရေး

    ပီဒိုချီယို၏ စွန့်စားခန်းများ

    ပင်တဂွန်

    မဟာဒီလှိုင်း

    မာယာ

    မောင့်ဘက်တန်နှင့် အိန္ဒိယ လွတ်လပ်ရေး တိုက်ပွဲ

    ယက်ဖ်တူရှင်ကို

    လုပ်ငန်းအောင်မြင်ခြင်း လျှို့ဝှက်ချက်များ

    ဟားဗတ်စီးပွားရေး တက္ကသိုလ်တွင် မသင်ခဲ့ရသမျှ

    အကြီးအကဲ

    အဆင့်မြင့် အောင်မြင်သူတို့၏ အလေ့အထများ

    အမြန်ဆုံး သူဌေးဖြစ်နည်း

    အောက်စဖို့ တက္ကသိုလ်သုံး အင်္ဂလိပ်စာ သဒ္ဒါကျမ်း

ကိုးကား

ပြန်ကြားရေးနှင့် ပြည်သူ့ ဆက်ဆံရေး ဦးစီးဌာန(ရုံးချုပ်) စာတည်း အဖွဲ့က စုဆောင်း ပြုစုတဲ့ 'နှစ်ဆယ် ရာစု မြန်မာစာရေးဆရာများနှင့် စာစုစာရင်း' စာအုပ် (ပညာရွှေတောင် စာအုပ်တိုက်)၂ဝဝ၃ ခုနှစ်၊ ဧပြီလ(ပထမ အကြိမ်)

http://www.arakanfolks.com ကူးယူဖော်ပြပါသည်